(+4 rating, 4 votes)
Loading...غابت الممثلة نادين نسيب نجيم عن التغريد يوم أمس بعد الإنفجار في بيروت، فسادت حالة من القلق بين صفوف محبّيها، فهل هي بخير مع عائلتها؟
“لكل اللي عم يسألوني عن نادين نسيب نجيم وبدّن يطمّنوا عنها، بعتذر كون عم بنقل خبر بيشغل البال”، تقول الإعلاميّة ريما نجيم في تغريدة عبر تويتر.
وأضافت “نادين تأذّت بالانفجار خضعت لعملية جراحيّة طويلة استمرّت ٦ ساعات وهي حالياً أفضل والاولاد بأمان الحمدلله. ان شاء الله قريباً بتحكي معكن هيّ بس طلبت طمّنكن عليها”.
وطلبت ريما نجيم من متابعيها الصلاة لنادين نسيب نجيم، فختمت تغريدتها بالقول “صلّولها”.
وصباح اليوم، نشرت نادين نسيب نجيم فيديو من منزلها المتضرّر، وأرفقته برسالة سردت فيه اللحظات المُرعبة الّتي عاشتها فكتبت:
“بشكر ربي أولاً رجع خلقني وأعطاني عمر جديد. الانفجار كان قريب والمنظر مش متل الحكي فعلاً يلي بيفوت عالبيت وبيشوف الدم وين ما كان وكل شي مكسر ما بيقول انه بعدنا عايشين، الحمدالله الف مرة عطاني القوة انزل ٢٢ طابق حافية مغطسة بالدم تأقدر خلص حالي”.
وأضافت “الناس كلها مدممة، جرحى، قتلى، سيارات مكسرة، ناس عم تصرخ وتبكي، وقفت سيارة قلتله دخيلك ساعدني، كان ابن حلال وصلني على اول مشفى رفضوا يستقبلوني لأنه كانت مكدسة بالجرحى، رجع اخدني على مشفى المشرق اسعفوني وخضعت لعملية ٦ ساعات لأنه نص وجهي وجسمي مدمم”.
وأضافت “بس يلي شفته عالارض صعب كتير ينوصف فعلاً وكأنه قنبلة نووية. شكراً يا رب انك حميتني، وحمدلله اولادي بخير وسلامة ما كانوا بالبيت. بشكر الله كل لحظة ويا رب ترحم الموتى وتشفي الجرحى”.
https://www.instagram.com/p/CDf2ZyiHJTu/?utm_source=ig_web_copy_link
